नवी सुविधा ! केवळ 1 मोबाईल नंबरवरून संपूर्ण कुटूंबाला मिळेल Aadhaar PVC card, पहा सोप्या स्टेप्स
नवी दिल्ली : वृत्तसंस्था – Aadhaar PVC Card | आधार कार्ड हे भारतीयांसाठी सर्वात महत्त्वाचे दस्तऐवज आहे. सरकारी काम असो की खाजगी, सगळीकडे काम करते. बहुतेक लोक ते नेहमी त्यांच्या पर्समध्ये ठेवतात. मात्र कागद असल्याने ते कापणे-फाटणे, तसेच पावसात भिजून किंवा अन्य कारणाने खराब होण्याची भीती असते. तुम्हालाही अशा कोणत्याही समस्येचा सामना करावा लागला असेल किंवा तुम्हाला त्याचा सामना करायचा नसेल, तर Aadhaar PVC Card घेऊन तुम्ही तणावमुक्त राहू शकता.
प्लास्टिक असल्याने ते खराब होत नाही. Aadhaar PVC Card नवीन नसले तरी चांगली गोष्ट म्हणजे आता तुम्ही फक्त एक मोबाईल नंबर वापरून संपूर्ण कुटुंबासाठी ते ऑर्डर करू शकता. खरं तर, UIDAI ने आपल्या अधिकृत ट्विटर हँडलवर म्हटले आहे की, तुमच्या #Aadhaar वर रजिस्टर मोबाइल क्रमांकाची पर्वा न करता, #authentication साठी #OTP प्राप्त करण्यासाठी संपूर्ण कुटूंबासाठी कोणताही एक मोबाइल नंबर वापरू शकता.
तुम्हाला हे माहित असणे आवश्यक आहे की, आधार PVC कार्डमध्ये डिजिटल स्वाक्षरी केलेला सुरक्षित QR कोड आहे, ज्यामध्ये छायाचित्र आणि अनेक सुरक्षा वैशिष्ट्यांसह डेमोग्राफिक डिटेल्स असतात. मात्र, ते विनामूल्य येत नाही, पीव्हीसी कार्डसाठी अर्ज करणार्या प्रत्येकाला 50 रुपये भरावे लागतात.
आधार क्रमांक, व्हर्च्युअल आयडी किंवा एनरोलमेंट आयडी वापरून uidai.gov.in किंवा Resident.uidai.gov.in वर कार्ड ऑनलाइन ऑर्डर केले जाऊ शकते. आधार पीव्हीसी कार्ड ऑनलाइन कसे मिळवायचे ते जाणून घेवूयात…
ऑनलाइन असे मिळवा आधार पीव्हीसी कार्ड
1 : UIDAI च्या अधिकृत वेबसाइटला भेट द्या किंवा https://uidai.gov.in टाइप करा.
2 : ’Order Aadhaar PVC Card’ सर्व्हिसवर टॅप करा आणि तुमचा 12 अंकी युनिक आधार क्रमांक (UID) किंवा 28 अंकी नावनोंदणी क्रमांक प्रविष्ट करा.
3 : सुरक्षा कोड प्रविष्ट करा आणि नंतर चेक बॉक्सवर क्लिक करा. जर तुमच्याकडे नोंदणीकृत मोबाइल नंबर नसेल, तर बॉक्समध्ये चेक करा.
4 : नॉन-रजिस्टर/पर्यायी मोबाइल नंबर प्रविष्ट करा. त्यानंतर ’Send OTP’ वर क्लिक करा.
5 : Terms and Conditions च्या पुढील चेक बॉक्सवर क्लिक करा.
6 : OTP पडताळणी पूर्ण करण्यासाठी ’Submit’ पर्यायावर क्लिक करा.
7 : नंतर ’Make payment’ वर क्लिक करा. तुम्हाला पेमेंट गेटवे पेजवर क्रेडिट/डेबिट कार्ड, नेट बँकिंग आणि UPI सारख्या पेमेंट पर्यायांसह रिडायरेक्ट केले जाईल.
पेमेंट यशस्वी केल्यानंतर, डिजिटल स्वाक्षरी असलेली एक पावती तयार केली जाईल जी PDF स्वरूपात पुढे डाउनलोड करता येते.
एसएमएसद्वारे सर्व्हिस रिक्वेस्ट नंबर देखील मिळेल.
Web Title :- Aadhaar PVC Card | how to get aadhaar pvc card for whole family via any mobile number check steps
Join our Whatsapp Group, Telegram, and facebook page for every update
Pune Crime | Google वर कस्टमर केअर नंबर शोधणे आले अंगलट; पावणेदोन लाखांना गंडा
The post नवी सुविधा ! केवळ 1 मोबाईल नंबरवरून संपूर्ण कुटूंबाला मिळेल Aadhaar PVC card, पहा सोप्या स्टेप्स appeared first on बहुजननामा.