Pune Crime | खून करुन केला गळफास घेऊन आत्महत्या केल्याचा बनाव; कात्रज परिसरातील धक्कादायक घटना
पुणे : बहुजननामा ऑनलाइन – Pune Crime | कात्रज (Katraj) येथील लक्ष्मी माता मंदिराजवळ एका लोखंडी पाईपला एका पुरुषाने गळफास घेऊन आत्महत्या (Suicide In Pune) केल्याचे शुक्रवारी पहाटे आढळून आले. शवविच्छेदनानंतर (Post Mortem) ही आत्महत्या नसून कोणीतरी त्याच्या डोक्यात मारुन ठार केले व त्यानंतर पाईपाला लटकवून त्याने गळफास घेऊन आत्महत्या केल्याचा दाखविण्याचा प्रयत्न केल्याचा धक्कादायक प्रकार समोर आला आहे. (Pune Crime)
प्रकाश किसन जाधव Prakash Kisan Jadhav (वय ४२, रा. सुधामातानगर, कात्रज) असे खून झालेल्या नागरिकाचे नाव आहे. याप्रकरणी पोलीस नाईक नंदलाल हरिश्चंद्र भादले यांनी भारती विद्यापीठ पोलीस ठाण्यात (Bharti Vidyapeeth Police Station) फिर्याद दिली आहे. ही घटना शुक्रवारी पहाटे ४ ते ५ वाजेच्या दरम्यान घडली आहे. (Pune Crime)
याबाबत पोलिसांनी दिलेल्या माहितीनुसार, प्रकाश जाधव हे बिगारी काम करीत होते. त्यांना २ मुले, सुना, पत्नी आहेत. गळफास घेतलेल्या अवस्थेत त्यांचा मृतदेह आढळून आला, त्याच्यासमोरच ते राहतात. शुक्रवारी पहाटे घरासमोरील लोखंडी पाईपला त्यांनी दोरीच्या सहाय्याने गळफास घेतल्याचे दिसून आले होते. पोलिसांनी त्यांचा मृतदेह शवविच्छेदनासाठी ससून रुग्णालयात पाठविला. शवविच्छेदनात त्यांचा गळा दाबून तसेच त्यांच्या डोक्यामध्ये अंतर्गत जखमा करुन त्यांचा खून केला.
त्यानंतर त्यांना दोरीच्या सहाय्याने लोखंडी पाईपाला लटकावून त्यांनी गळफास घेतल्याचा बनाव केल्याचे उघड झाले आहे. शवविच्छेदन अहवालानुसार पोलिसांनी खूनाचा गुन्हा दाखल केला आहे. पोलीस निरीक्षक संगिता यादव (Police Inspector Sangeeta Yadhav) तपास करीत आहेत.
Web Title :- Pune Crime | Pretending to commit suicide by strangulation Shocking incident in Katraj area
Join our Whatsapp Group, Telegram, and facebook page for every update
Lemon Drink | उन्हाळ्यात यूरिक अॅसिड नष्ट करेल ‘हे’ आंबट-गोड ड्रिंक
Foods For Hair | उन्हाळ्यात केस तुटणे-गळणे होईल बंद ! आजपासूनच खायला सुरूवात करा ‘या’ दोन गोष्टी
The post Pune Crime | खून करुन केला गळफास घेऊन आत्महत्या केल्याचा बनाव; कात्रज परिसरातील धक्कादायक घटना appeared first on बहुजननामा.