Healthy Pulses | ‘ही’ पिवळी डाळ पोटासाठी सर्वात हेल्दी आणि हलकी, ताबडतोब कमी होते वजन; तात्काळ कमी होतं वजन, जाणून घ्या
बहुजननामा ऑनलाइन टीम – (Healthy Pulses) डाळ आणि भात कोणाला आवडत नाही? भारतात, बहुतेक घरात दररोज डाळ आणि भात बनवतात. एक वाटी भात, डाळ आणि एक चमचा तूप हे स्वादिष्ट जेवण आहे. सर्वात चांगली गोष्ट म्हणजे ते खूप लवकर तयार होते. पोषणतज्ञांनी वजन कमी करण्याचा प्रयत्न करणार्यांसाठी या सहज तयार होणार्या डिशला पूर्णपणे निरोगी आणि चांगले म्हटले आहे. पण लोकांना गोंधळात टाकणारी एक गोष्ट म्हणजे यासाठी कोणती डाळ निवडावी, हा प्रश्न आहे. प्रत्येक डाळीचे पोषक मूल्य खूप जास्त असले तरी ते त्याच्या प्रकारानुसार भिन्न असू शकते (Healthy Pulses).
10 पेक्षा जास्त प्रकारच्या डाळी आहेत. प्रत्येकीची चव वेगळी असते आणि त्याचे आरोग्य फायदेही वेगळे असतात. डाळीमधील न विरघळणारे फायबर कोलेस्ट्रॉल आणि रक्तदाब नियंत्रित (Cholesterol And Blood Pressure Control) करण्यास मदत करते. इतकेच नाही तर वजन कमी (Weight Loss) करण्यासाठी डाळ हा एक उत्तम पर्याय मानला जातो. वजन कमी करण्यासाठी तुम्ही कोणती डाळ निवडावी याबद्दल तुम्हाला शंका असल्यास, आम्ही तुम्हाला येथे मदत करणार आहोत (Healthy Pulses).
वजन कमी करण्यासाठी डाळ (Pulse For Weight Loss)
डाळ हा प्रोटीनचा उत्तम स्रोत आहे. याशिवाय, डाळीत निरोगी जीवनसत्त्वे आणि मिनरल्स देखील भरपूर असतात. तज्ज्ञ सांगतात की, सर्व डाळींचा वेळोवेळी आहारात समावेश केला पाहिजे. पण वजन कमी करण्याचा विचार केला तर पिवळी मूग डाळ हा उत्तम पर्याय आहे. कारण या डाळीमध्ये कॅलरीज (Calories) खूप कमी असतात. हलकी असल्याने पोटाला ती पचायला सोपी जाते. याशिवाय या डाळीचे सेवन केल्याने बद्धकोष्ठतेचा (Constipation) धोका कमी होतो.
मूग डाळीमध्ये असतात पोषक तत्व (Yellow Lentil Contains Nutrients)
एक कप पिवळ्या मूग डाळीमध्ये 212 कॅलरीज, 0.8 ग्रॅम फॅट, 14.2 ग्रॅम प्रोटीन, 3817 ग्रॅम कार्ब, 15.4 ग्रॅम फायबर असते. या मूग डाळीत फोलेट, मँगनीज, व्हिटॅमिन बी1, फॉस्फरस, आयर्न, कॉपर, पोटॅशियम आणि जस्त भरपूर प्रमाणात असते. ही सर्व ट्रेस मिनरल्स रोगप्रतिकारक शक्ती वाढवण्यास आणि अवयवांची कार्यक्षमता वाढवण्यास मदत करतात.
वजन कमी करण्यासाठी फक्त पिवळी मूग डाळ का (Why Only Yellow Lentil For Weight Loss) ?
पिवळी मूग डाळ ही प्रोटीनचा अपूर्ण स्त्रोत आहे, परंतु जेव्हा ही डाळ तांदळात मिसळली जाते तेव्हा ती प्रोटीनचा पूर्ण स्त्रोत बनते. त्यामुळे मुगाची डाळ नेहमी भातासोबत खावी. वजन कमी करण्याचा प्रयत्न करताना प्रोटीनचा वापर वाढल्याने स्नायू तयार होण्यास आणि तृप्ती सुधारण्यास मदत होते.
भरपूर फायबर (Fiber) असल्याने ही डाळ तुम्हाला बराच काळ पोट भरल्याचा अनुभव देते. एवढेच नाही तर ही डाळ बद्धकोष्ठता टाळते आणि शरीराला चांगले कार्य करण्यास प्रोत्साहित करते. सर्वात चांगली गोष्ट म्हणजे ही बनवायला खूप सोपी आहे आणि ती चणा डाळ, मसूर यांसारख्या इतर डाळींपेक्षा हलकी आहे.
पिवळी डाळ खाण्याचे इतर फायदे (Other Benefits Of Eating Yellow Lentil) –
– ही डाळ वजन कमी करण्यासाठी मदत करते. तसेच अनेक प्रकारे निरोगी ठेवण्यास मदत करू शकते.
– या डाळीमध्ये असलेले फायबर खराब कोलेस्ट्रॉल जमा होण्यास प्रतिबंध करते आणि हृदयाचे आरोग्य चांगले ठेवते.
– मूग डाळीत आढळणारे ट्रेस मिनरल त्वचेची लवचिकता राखण्यासाठी खूप फायदेशीर आहे.
– मूग डाळ लोहाचा एक चांगला स्रोत असल्याने, ती लाल रक्त पेशींची संख्या वाढविण्यात देखील मदत करू शकते.
– विविध गुणांमुळेमूग डाळ मधुमेह आणि उच्च रक्तदाबाच्या रुग्णांना अनेकदा खाण्याचा सल्ला दिला जातो.
पिवळी मूग डाळ कशी खावी (How To Eat Yellow Lentil) ?
आहारात पिवळ्या मूग डाळीचा अनेक प्रकारे समावेश करू शकता. सहसा लोक पिवळी मूग डाळ चपातीसोबत खातात. तर काहींना त्याची खिचडी खायला आवडते. हवे असल्यास भातासोबत डाळ खावू शकता. मूग डाळ चिला आणि मूग डाळ टिक्की हे देखील चांगले पर्याय आहेत. तूर, हरभरा आणि मसूर डाळ यांच्या तुलनेत मूगाची पिवळी डाळ खूप हलकी असते. ती खाल्ल्यानंतर बद्धकोष्ठतेचा त्रास होत नाही. जर तुम्हाला तुमच्या डाएट हेल्दी डाळ समाविष्ट करायची असेल, तर पिवळी मूग डाळ निवडा.
फक्त आणि फक्त आरोग्याच्या (हेल्थ) बातम्यांसाठी ज्वाईन करा आमचा स्पेशल टेलिग्राम ग्रुप, फक्त क्लिक करा
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Healthy Pulses | this indian dals pulses is the healthiest and lightest dal which may help you shed kilos naturally
Join our Whatsapp Group, Telegram, and facebook page for every update
हेदेखीलवाचा :
Gold Silver Price Today | लग्नसराईत सोन्याच्या दरात वाढ तर चांदी घसरली; जाणून घ्या लेटेस्ट रेट
The post Healthy Pulses | ‘ही’ पिवळी डाळ पोटासाठी सर्वात हेल्दी आणि हलकी, ताबडतोब कमी होते वजन; तात्काळ कमी होतं वजन, जाणून घ्या appeared first on बहुजननामा.