LPG Cylinder Price Today 1 June | व्यावसायिक एलपीजी सिलेंडर 135 रुपयांनी स्वस्त, घरगुती सिलेंडरच्या ग्राहकांना दिलासा नाहीच; जाणून घ्या दर
नवी दिल्ली : वृत्तसंस्था – LPG Cylinder Price Today 1 June | एलपीजी सिलेंडरचे नवे दर जारी करण्यात आले आहेत. आज इंडेन सिलिंडर 135 रुपयांनी स्वस्त झाला आहे. पेट्रोलियम कंपनी इंडियन ऑइलने व्यावसायिक सिलेंडरच्या दरात ही कपात केली (LPG Cylinder Price Today 1 June) आहे, तर घरगुती एलपीजी सिलेंडरने ग्राहकांना कोणताही दिलासा मिळालेला नाही. 14.2 किलोचा घरगुती सिलेंडर स्वस्त किंवा महागही झाला नाही. तो आजही 19 मे रोजीच्या दराने उपलब्ध आहे.
मे महिन्यात बसला होता तडाखा
मे महिन्यात घरगुती एलपीजी सिलेंडरच्या ग्राहकांना दोनदा धक्का बसला होता. 7 मे रोजी घरगुती सिलेंडरची किंमत प्रथमच 50 रुपयांनी वाढविण्यात आली होती आणि 19 मे रोजीही घरगुती एलपीजी गॅस सिलेंडरच्या किंमतीत वाढ करण्यात आली होती.
7 मे रोजी एलपीजीच्या दरात झालेल्या बदलामुळे घरगुती सिलेंडर 50 रुपयांनी महाग झाला, तर 19 किलोचा व्यावसायिक सिलेंडर सुमारे 10 रुपयांनी स्वस्त झाला. 19 मे रोजी त्याचे दर आठ रुपयांनी वाढले होते.
1 जूनपासून सिलेंडरचे दर
आज म्हणजेच 1 जून रोजी 19 किलोच्या सिलेंडरवर थेट 135 रुपयांपर्यंतची सूट मिळणार आहे. आता 19 किलोचा सिलेंडर दिल्लीत 2354 ऐवजी 2219 रुपये, कोलकात्यात 2454 ऐवजी 2322, मुंबईत 2306 ऐवजी 2171.50 आणि चेन्नईमध्ये 2507 ऐवजी 2373 रुपयांना विकला जाईल.
1 मे रोजी त्यात सुमारे 100 रुपयांची वाढ झाली होती.
त्याच वेळी, मार्चमध्ये दिल्लीत 19 किलोच्या एलपीजी सिलेंडरची किंमत केवळ 2012 रुपये होती. 1 एप्रिलला तो 2253 वर आणि 1 मे रोजी 2355 रुपयांवर पोहोचला.
Web Title :- lpg price 1 june 135 rupay sasta hua lpg cylinder becomes cheaper prices reduced by rs 135 from today
Join our Whatsapp Group, Telegram, and facebook page for every update
हे देखील वाचा :
Gold Silver Price Today | जाणून घ्या सोन्या-चांदीचे आजचे दर
The post LPG Cylinder Price Today 1 June | व्यावसायिक एलपीजी सिलेंडर 135 रुपयांनी स्वस्त, घरगुती सिलेंडरच्या ग्राहकांना दिलासा नाहीच; जाणून घ्या दर appeared first on बहुजननामा.