Pune Crime | तरुणींना म्हणाले, ‘चल बैठ घुमने जाते है’ आणि गेले पोलीस काेठडीत

पुणे : बहुजननामा ऑनलाईन – Pune Crime | कारमध्ये बसून तीन तरुणींची छेड काढणाऱ्या दोन तरुणांना पुणे पोलिसांनी २४ तासांच्या आत अटक केली आहे. कारमधून चाललेल्या दोन तरुणांनी त्यांच्या कारची खिडकी खाली करून त्यांच्या वसतिगृहात पायी जाणाऱ्या तीन तरुणींची ‘चल बैठ
घुमने जाते है’ म्हणून छेड काढल्याची घटना पुण्यातील कोथरूड परिसरात घडली होती. त्यानंतर त्वरित कारवाई करत पुणे पोलिसांनी त्या दोन तरुणांना
अटक केली. (Pune Crime)

Join our Whatsapp Group, Telegram, and facebook page for every update

संकेत पोपट शेळके आणि सागर काणेकर असे त्या दोघांचे नाव असून, कोथरूड येथे ते त्यांची कार (एम एच १२ यूएन १३३२) उभी करून त्यात बसले होते. त्यावेळी भारतीनगर भागात हॉस्टेलमध्ये राहणाऱ्या तीन तरुणी तिथून चालल्या होत्या. तेव्हा त्यांच्या गाडीची काच खालती घेऊन ‘चल बैठ घुमने जाते है’ म्हणून छेड काढली. या घटनेमुळे त्या तरुणी प्रचंड तणावात होत्या, घटनेची माहिती मिळताच पोलिसांनी कारवाई करत ती कार शोधली आणि आरोपींना अटक केली आहे.

"चल बैठो घुमने जाते"

कोथरूडमध्ये हॉस्टेल बाहेर कारमध्ये बसलेल्या दोघा तरुणांनी 3 मुलींना 'कॅज्युअल' बोललेले शब्द #PunePolice ने मात्र 'कॅज्युअली' घेतले नाहीत.

Car traced within hours & both men in custody.

This is #Pune. Eve-teasing in any form will land you in big trouble.

— पुणे शहर पोलीस (@PuneCityPolice) December 5, 2022

ही कामगिरी पोलीस आयुक्त अमिताभ गुप्ता, सह आयुक्त संदीप कर्णिक, अपर पोलीस आयुक्त रामनाथ पोकळे,
पोलीस उपायुक्त अमोल झेंडे, एसपी गजानन टोम्पे, दरोडा वाहन चोरीविरोधी पथक एकचे
पोलीस निरीक्षक उल्हास कदम, पोलीस नाईक धनंजय ताजने आणि चंद्रकांत जाधव यांनी केली.
या कारवाईनंतर सामाजिक माध्यमांवर पुणे पोलिसांच्या कामगिरीचे कौतुक केले जात आहे.