Pune Haveli Tahsildar Trupti Kolte Suspended | हवेलीच्या तहसीलदार तृप्ती कोलते निलंबित; हडपसर जमीन प्रकरण व कोरोना काळातील खरेदी भोवली?
पुणे : बहुजननामा ऑनलाईन – Pune Haveli Tahsildar Trupti Kolte Suspended | हवेलीच्या तहसीलदार तृप्ती कोलते (Tahsildar Trupti Kolte) यांना निलंबित करण्यात आले आहे. हडपसर येथील सर्व्हे नं. ६२ ही राखीव वन या संवर्गातील जमीन (Hadapsar Land Matter) अनाधिकाराने अर्जदाराला प्रदान केल्याप्रकरणी ही कारवाई करण्यात आली आहे. तत्कालीन महसूलमंत्री यांच्या आदेशाची खातरजमा न करता तसेच शासनाची पूर्व परवानगी न घेता व पुणे जिल्हाधिकारी (Pune Collector) यांची आवश्यक असणारे मार्गदर्शन, अभिप्राय किंवा आदेश प्राप्त न करता कार्यकक्षेच्या बाहेर जाऊन अर्जदारास १२ जुलै २०२१ रोजी ही जमीन नावावर करुन दिली होती. शासनाचे अवर सचिव संजीव राणे यांनी हा आदेश दिला आहे. (Pune Haveli Tahsildar Trupti Kolte Suspended)
Join our Whatsapp Group, Telegram, and facebook page for every update
विभागीय आयुक्त यांच्याकडे २३ मे २०२२ ला सादर करण्यात आलेल्या अहवालावरून तहसीलदार तृप्ती कोलते यांनी कोरोना काळात जिवनावश्यक वस्तुंची खरेदी करताना व आवश्यक सेवासुविधा प्राप्त करून घेताना उद्योग, उर्जा व कामगार विभागाच्या १ डिसेबर २०१६ रोजीच्या शासन निर्णयातील तरतुदींनुसार विहीत कार्यपध्दतीचा अवलंब न करता वित्तीय अनियमितता केल्याचे निदर्शनास आले आहे. तसेच, २ जून २०२२ च्या पत्रान्वये विभागीय आयुक्तांनी सादर केलेल्या अहवालावरून तहसीलदार तथा व्यवस्थापकीय अधिकारी तृप्ती कोलते यांनी प्रकाश व इतर यांच्या प्रकरणात नियमबाह्य पध्दतीने कामकाज केले असल्याचे दिसून आले आहे. या शिवाय श्रीमती कोलते यांच्याविरुद्ध निवडणूकविषयक कामकाजाच्या अनुषंगाने प्राप्त तक्रारी या गंभीर स्वरुपाच्या असल्याचे निदर्शनास आलेले आहे. कोलते यांनी कामात केलेल्या अनियमितता या गंभीर स्वरूपाच्या असल्यामुळे कोलते यांना शासन सेवेतून निलंबित करण्याचा निर्णय घेतला आहे. (Pune Haveli Tahsildar Trupti Kolte Suspended)
त्याअनुषंगाने तहसीलदार कोलते यांना महाराष्ट्र नागरी सेवा (शिस्त व अपिल) नियम, १९७९ च्या नियम ४ (१) (अ) मधील तरतुदीनुसार या आदेशान्वये निलंबित करण्यात येत आहे.
Web Title : Pune Haveli Tahsildar Trupti Kolte Suspended
हे देखील वाचा :
Bhagat Singh Koshyari | मी स्वत:ला राज्यपाल मानत नाही – राज्यपाल भगतसिंह कोश्यारी
The post Pune Haveli Tahsildar Trupti Kolte Suspended | हवेलीच्या तहसीलदार तृप्ती कोलते निलंबित; हडपसर जमीन प्रकरण व कोरोना काळातील खरेदी भोवली? appeared first on बहुजननामा.