Devendra Fadnavis | अवकाळी पावसामुळे 8 जिल्ह्यांतील नुकसानग्रस्त शेतकऱ्यांना तातडीने मदत देणार; उपमुख्यमंत्री देवेंद्र फडणवीस यांची विधानसभेत माहिती
मुंबई : बहुजननामा ऑनलाईन – Devendra Fadnavis | राज्यात अवकाळी पावसामुळे आठ जिल्ह्यांत सुमारे १३ हजार ७२९ हेक्टर शेतीचे नुकसान झाले आहे. नुकसानग्रस्त शेतकऱ्यांना मदतीसाठी प्रस्ताव तातडीने मागविण्यात आले असून त्यांना तात्काळ मदत देण्यात येईल, अशी ग्वाही उपमुख्यमंत्री देवेंद्र फडणवीस (Devendra Fadnavis) यांनी आज विधानसभेत दिली.
विरोधी पक्षनेते अजित पवार (Ajit Pawar), सदस्य नाना पटोले (Nana Patole), छगन भुजबळ यांनी यासंदर्भात मुद्दा उपस्थित केला होता. त्यावर निवेदन करताना उपमुख्यमंत्री बोलत होते.
Join our Whatsapp Group, Telegram, and facebook page for every update
उपमुख्यमंत्री फडणवीस (Devendra Fadnavis) यावेळी म्हणाले की, पालघर जिल्ह्यात विक्रमगड,
जव्हार येथे ७६० हेक्टरचे नुकसान झाले असून नाशिक जिल्ह्यात २६८५ हेक्टरचे नुकसान झाले आहे.
धुळे येथे ३१४४ हेक्टर, नंदूरबार येथे १५७६ हेक्टर, जळगाव येथे २१४ हेक्टर, अहमदनगर येथे ४१०० हेक्टर,
बुलढाणा येथे ७७५ हेक्टर तर वाशीम जिल्ह्यात ४७५ हेक्टर शेतीचे नुकसन झाले आहे.
नुकसानग्रस्त शेतकऱ्यांना तातडीच्या मदतीसाठी मुख्यमंत्री एकनाथ शिंदे यांनी कालच जिल्हा प्रशासनाला सूचना दिल्या आहेत.
नुकसानासंदर्भात अधिकची माहिती घेण्यात येत असून तात्काळ मदतीचे प्रस्ताव मागविण्यात आले आहेत,
अहवाल प्राप्त होताच सभागृहात याबाबत निवेदन करण्यात येईल, असे उपमुख्यमंत्री फडणवीस यांनी सांगितले.
Web Title : Devendra Fadnavis | Immediate relief will be given to farmers affected by unseasonal rains in 8 districts; Information of Deputy Chief Minister Devendra Fadnavis in the Legislative Assembly
हे देखील वाचा :
Pune Crime News | ज्यादा पैशाचे आमिष पडले महागात! तरुणीची 50 लाखांची फसवणूक, पुण्यातील घटना
Pune Crime News | पोलीस भरतीपूर्व प्रशिक्षण घेणार्या युवतीवर बलात्कार; दौंड येथील घटना, आरोपी अटकेत
The post Devendra Fadnavis | अवकाळी पावसामुळे 8 जिल्ह्यांतील नुकसानग्रस्त शेतकऱ्यांना तातडीने मदत देणार; उपमुख्यमंत्री देवेंद्र फडणवीस यांची विधानसभेत माहिती appeared first on बहुजननामा.