Lok Sabha Election 2024 | लोकसभा निवडणुकीसाठी मविआची समिती स्थापन, ‘या’ नेत्यांचा समितीत समावेश; ठाकरे गटाकडून कोण? उद्धव ठाकरे घेणार निर्णय
मुंबई : बहुजननामा ऑनलाइन – Lok Sabha Election 2024 | कर्नाटक विधानसभा निवडणुकीचा (Karnataka Assembly Elections) निकाल लागल्यानंतर महाराष्ट्रात महाविकास आघाडी (Mahavikas Aghadi) देखील सक्रिय झाली आहे. महाविकास आघाडीने 2024 च्या लोकसभा निवडणुकीसाठी तयारी सुरु केली आहे. त्यासाठी मविआमधील तीन प्रमुख पक्षांचे प्रत्येकी दोन नेते असलेली एक समिती स्थापन करण्यात आली आहे. मविआच्या लोकसभा निवडणूक समितीमध्ये (Lok Sabha Election Committee) वर्णी लागावी यासाठी शिवसेना उद्धव बाळासाहेब ठाकरे (Shiv Sena Uddhav Balasaheb Thackeray) पक्षातील नेत्यांमध्ये रस्सीखेच सुरु झाली आहे.
महाविकास आघाडीकडून तयार करण्यात आलेली ही समिती 2024 च्या लोकसभा निवडणुकीसाठी (Lok Sabha Election 2024) महाराष्ट्रातील 48 मतदार संघाचे तीन पक्षांसाठी जागावाटप ठरवणार आहे. त्यासाठी राष्ट्रवादीकडून (NCP) प्रदेशाध्यक्ष जयंत पाटील (Jayant Patil) आणि विरोधी पक्षनेते अजित पवार (Ajit Pawar) तर काँग्रेसकडून (Congress) प्रदेशाध्यक्ष नाना पटोले (Nana Patole) आणि अशोक चव्हाण (Ashok Chavan) यांची नावे अंतिम झाली आहेत. तर शिवसेना ठाकरे गटाकडून संजय राऊत (Sanjay Raut) यांचे अंतिम झाले आहे. संजय राऊत यांच्या सोबत दूसरा नेता म्हणून कोणाची निवड होणार याकडे सर्वांचे लक्ष लागले आहे. पक्षप्रमुख उद्धव ठाकरे यासंदर्भात अंतिम निर्णय घेणार आहेत.
महाविकास आघाडीच्या निवड समितीवर संजय राऊत यांच्यासोबत दुसरा नेता म्हणून वर्णी लागावी यासाठी
सुभाष देसाई (Subhash Desai), अनिल देसाई (Anil Desai), अरविंद सावंत (Arvind Sawant), विनायक राऊत
(Vinayak Raut), आदित्य ठाकरे (Aaditya Thackeray) या नेत्यांमध्ये जोरदार रस्सीखेच सुरु झाल्याची माहिती
वरिष्ठ सूत्रांनी दिली आहे. बुधवारी दुपारी यासंदर्भात निर्णय होण्याची शक्यता आहे.
उद्धव ठाकरे कोणाला संधी देणार याकडे सर्वांचे लक्ष लागले आहे.
- Web Title : Lok Sabha Election 2024 | uddhav thackeray will decide sanjay raut and other shivsena ubt leader for mva lok sabha election committee
ACB Demand Case | 1 लाख रूपयाच्या लाचेची मागणी करणार्या पोलिस उपनिरीक्षकाविरूध्द अॅन्टी करप्शनकडून गुन्हाPune Crime News | पुणे क्राईम न्यूज : हडपसर पोलिस स्टेशन – मोबाईल पाहिल्याने पत्नीला मारहाण करुन केला छळ
The post Lok Sabha Election 2024 | लोकसभा निवडणुकीसाठी मविआची समिती स्थापन, ‘या’ नेत्यांचा समितीत समावेश; ठाकरे गटाकडून कोण? उद्धव ठाकरे घेणार निर्णय appeared first on बहुजननामा.